ఉభయసభల ఆమోదంతోనే ఎన్​ఎంసీ బిల్లు అమలు: జీవీఎల్

పార్లమెంట్​లోని ఉభయసభల ఆమోదంతోనే ఎన్​ఎంసీ బిల్లును అమలుచేయడం జరిగిందని రాజ్యసభ సభ్యుడు జీవీఎల్ నరసింహరావు తెలిపారు.

ప్రకాశం జిల్లా ఒంగోలులో సంఘటన-2019 పర్వ్ భాజపా సభ్యత్వ కార్యక్రమానికి హాజరైన రాజ్యసభ సభ్యుడు జీవీఎల్‌ నరసింహరావు... నేషనల్‌ మెడికల్‌ కమిషన్‌ బిల్లుపై స్పందించారు. పార్లమెంట్​ ఉభయ సభల్లో ఎన్​ఎంసీ బిల్లుపై కూలంకషంగా చర్చించిన తర్వాతే...కేంద్రం అమలు చేయడం జరిగిందన్నారు. మెడికల్‌ కౌన్సిల్‌ ఆఫ్‌ ఇండియా పనితీరుపై అన్ని రాష్ట్రాల నుంచి ఆక్షేపణలు రావటంతోనే ఈ బిల్లును తీసుకొచ్చారని పేర్కొన్నారు. వైద్య రంగాన్ని పూర్తి ప్రక్షాళన చేసేందుకు తీసుకున్న గొప్ప చర్యగా జీవీఎల్ అభివర్ణించారు.

ఇదీ చూడండి: సుష్మా స్వరాజ్ జీవితం.. ఎందరికో ఆదర్శం