శుభకార్యానికి వెళ్లి తిరుగు ప్రయాణమవుతున్న బెంగుళూరుకు చెందిన నలుగురిని గుర్తు తెలియని వాహనం ఢీకొనడంతో గాయాలపాలయ్యారు. ఈ ఘటన ప్రకాశం జిల్లా మద్దిపాడు మండలంలోని ఏడుగుండ్లపాడు వద్ద గురువారం తెల్లవారుజామున జరిగింది. సమాచారం అందుకున్న పోలీసులు సంఘటనా స్థలానికి చేరుకుని క్షతగాత్రులను ఒంగోలు రిమ్స్ తరలించారు. అక్కడి నుంచి ప్రత్యేక చికిత్స కిమ్స్ ఆసుపత్రికి తరలించారు.
బెంగుళూరుకు చెందిన వెంకట్రామిరెడ్డి, వినాసాయి, వేణుగోపాల్ రెడ్డితో పాటు వేరొక వ్యక్తి శుభకార్యానికి హాజరయ్యేందుకు విజయవాడ వచ్చారు. పనులు ముగించుకుని రాత్రి సమయంలో తిరిగి బయల్దేరారు. ఈ క్రమంలో మద్దిపాడు మండలంలోని ఏడుగుండ్లపాడు వంతెన వద్దకు రాగానే గుర్తు తెలియని వాహనం ఢీకొట్టి వెళ్లిపోయింది. ఈ ప్రమాదంలో నలుగురికి తీవ్ర గాయాలైనట్లు పోలీసులు తెలిపారు.
ఇదీ చదవండి : ఒంగోలు యువకుడి హత్య కేసు.... సీసీ పుటేజీలో దృశ్యాలు
