ఒంటరిగా నిద్రిస్తున్న యువతిపై దొంగల దాడి

ప్రకాశం జిల్లాలో పామూరులో దొంగలు బీభత్సం సృష్టించారు. ఓ ఇంట్లోకి చొరబడి ఒంటరిగా నిద్రిస్తున్న యువతిపై దాడి చేశారు. అనంతరం బీరువా తాళాలు ఇవ్వలేదని... పురుగులమందు తాగించారు.

ప్రకాశం జిల్లా పామూరులో దొంగలు రెచ్చిపోయారు. ఇంట్లో ఒంటరిగా యువతి నిద్రిస్తుండగా... చొరబడిన దుండగలు ఆమెపై దాడి చేశారు. బీరువా తాళాలు ఎక్కడ ఉన్నాయో చెప్పాలని దౌర్జన్యం చేశారు. ఎంతసేపటికి యువతి చెప్పకపోవటంతో... గొడ్డలి తీసుకుని బీరువాను పగలకొట్టేందుకు ప్రయత్నించారు. ఆమె అడ్డుపడటంతో....పక్కనే ఉన్న పురుగులమందును బలవంతంగా తాగించి పరారయ్యారు. అపస్మారక స్థితికి చేరుకున్న హసీనా... కొద్ది సేపటికి స్పృహా వచ్చి...పోలీసులకు సమాచారమిచ్చింది. ఘటనాస్థలికి చేరుకున్న పోలీసులు కేసు నమోదు చేసి దర్యాప్తు చేస్తున్నారు. బాధితురాలిని ఆసుపత్రికి తరలించి చికిత్స అందిస్తున్నారు.

ఇవీ చదవండి