ప్రకాశం జిల్లా దర్శి మండలం దేవవరం గ్రామంలో ఓ నవ వరుడు శుక్రవారం ఆత్మహత్యాయత్నం చేశాడు. పెళ్లిపీటలు ఎక్కాల్సిన అతను... ఆసుపత్రిలో బెడ్పైన ఉన్నాడు.
దేవవరంలో వాలంటీర్గా పని చేస్తున్న మరేశ్(23)కు మర్రిపూడి మండలం గుండ్ల సముద్రం గ్రామానికి చెందిన ఓ అమ్మాయితో శుక్రవారం వివాహం జరగాల్సి ఉంది. ముహూర్తానికి గంట సమయం ఉన్నప్పుడు వరుడు బాత్రూమ్లోకి వెళ్లి ఆత్మహత్యాయత్నం చేశాడు. గమనించిన కుటుంబ సభ్యులు హుటాహుటిన దర్శి ప్రభత్వాసుపత్రికి తరలించారు. మెరుగైన వైద్యం కోసం ఒంగోలు తరలించారు. ఆత్మహత్యాయత్నానికి కారణాలు తెలియాల్సి ఉంది.
