Age Relaxation for police constable jobs: గత ఆరు సంవత్సరాల కాలంగా నిరుద్యోగులు ఎంతగానో ఎదురుచూస్తున్న పోలీసు ఉద్యోగాలకు ప్రభుత్వం పచ్చజెడా ఊపింది. కానీ, వయోపరిమితి విషయంలో మాత్రం ఎలాంటి అవకాశాలు ఇవ్వకుండా నోటిఫికేషన్ విడుదల చేసింది. కొవిడ్తో పాటుగా.. ప్రభుత్వ నోటిఫికేషన్ ఆలస్యం కావడంతో చాలా మంది అభ్యర్ధులు పోలీసు ఉద్యోగాలకు అనర్హులుగా మిగిలిపోయారు. అభ్యర్థులు గత ఆరేళ్లుగా సాధన చేస్తున్నారు. తాజా నోటిఫికేషన్తో తాము అనర్హులుగా మారామని అభ్యర్థులతో పాటుగా.. విద్యార్ధి సంఘాలు ఉద్యమం చేపట్టాయి. వారంతా కలిసి గత కొన్నిరోజులుగా ప్రభుత్వానికి వినతులు ఇస్తూనే వివిధ రాజకీయ పక్షాలుతో కలిసి వయోపరిమితి విషయంలో ప్రభుత్వ నిర్ణయానికి వ్యతిరేకంగా ధర్నాలు, రాస్తారోకోలు చేయడంతో ప్రభుత్వం దిగివచ్చింది. రెండుసంవత్సరాల వయోపరిమితిని సడలిస్తున్నట్లు వెల్లడించింది. కానిస్టేబుల్ పోస్టులకు ప్రభుత్వం రెండేళ్ల వయోపరిమితిని సడలించడంతో ఉద్యోగార్థుల్లో ఆనందం వెల్లివిరిసింది.
కాగా.. పోలీసు ఉద్యోగాల భర్తీ కోసం పోలీస్‌శాఖ అక్టోబరు 20న నోటిఫికేషన్ జారీచేసింది. ఇందులో 6,100 కానిస్టేబుల్ పోస్టులు ఉన్నాయి. కానీ రెడు సంవత్సరాల వయోపరిమితి తక్కువే అంటూ ఐదు సంవత్సరాలకు పెంచాలని కొందరు విద్యార్థి సంఘాల నాయకులు డిమాండ్ చేస్తున్నారు.
ఇవీ చదంవడి:
