తాగి వచ్చి హింసిస్తున్నాడని... బంధువులతో కలిసి...!

నిత్యం మద్యం తాగి వచ్చి వేధిస్తున్న భర్తను పక్కా ప్లాన్​ ప్రకారం హత్య చేయించిందో భార్య.. బంధువులతో కలిసే ఈ ఘాతుకానికి పాల్పడింది. తన భర్తను ఎవరో హత్య చేశారని అందరినీ నమ్మించేందుకు యత్నించింది. కానీ పోలీసులు విచారణ చేపట్టి కేసును ఛేదించారు. నిందితులను అరెస్టు చేశారు. ఈ ఘటన నెల్లూరు నగరంలో జరిగింది.

నెల్లూరు నగరంలోని జాకిర్​హుస్సేన్​నగర్​కి చెంది షేత్​ ఫయాజ్​కి కళ్యాణితో 2007లో వివాహం జరిగింది. కొంతకాలంగా భర్త ఫయాజ్ మద్యం తాగి వచ్చి భార్య కల్యాణిని చిత్రహింసలకు గురి చేస్తున్నాడు. విసుగు చెందిన కల్యాణి అతనిని అంతమొందించాలని నిర్ణయించుకుంది. అందుకు కరీముల్లా అనే వ్యక్తిని ఆశ్రయించింది.

పక్కా ప్లాన్​ ప్రకారం..

ఈనెల 22వ తేదీన ఇంట్లో ఒంటరిగా ఉన్న ఫయాజ్​పై గుర్తు తెలియని కొందరు వ్యక్తులు రోకలి బండతో దాడి చేశారు. అనంతరం చనిపోయాడని భావించి అక్కడ నుంచి పారిపోయాడు. స్థానికులు సమాచారంతో ఇంటికి వచ్చిన భార్య, కుటుంబసభ్యులు.. తీవ్రంగా గాయపడిన ఫయాజ్​ను చికిత్స నిమిత్తం ఆసుపత్రికి తరలించారు. అక్కడ అతను మృతి చెందాడు. కేసు నమోదు చేసిన నవాబుపేట పోలీసులు విచారణ జరిపి.. భార్యే ఫయాజ్ మృతికి కారణం అని తేల్చారు. నిందితులైన భార్య కళ్యాణి తోపాటు కరీముల్లా, ప్రసాద్, మల్లి, ప్రకాశ్​లను పోలీసులు అరెస్ట్ చేశారు.

ఇదీ చదవండీ.. నెమ్మదించిన కొవిడ్ రెండో దశ.. థర్డ్ వేవ్ ఎదుర్కొనేందుకు ప్రణాళికలు