Rmp's Rape Attempt : అనారోగ్యంతో ఆసుపత్రికి వెళ్తే అత్యాచారానికి యత్నించాడు..

అనారోగ్యంతో ఆసుపత్రికి వచ్చిన ఓ గిరిజన మహిళ పట్ల ఆర్​ఎంపీ అనుచితంగా ప్రవర్తించారు. బాధితురాలికి మత్తు మందు ఇచ్చి అత్యాచారానికి యత్నించాడు. ఈ ఘటనపై బాధితురాలు పోలీసులకు ఫిర్యాదు చేసింది.

నెల్లూరు జిల్లా అనంతసాగరం గ్రామంలోని ఓ ఆర్​ఎంపీ.. గిరిజన మహిళపై అత్యాచారానికి యత్నించడం కలకలం రేపింది. అనంతసాగరానికి చెందిన ఓ గిరిజన వివాహిత అనారోగ్యం బారిన పడి ఆర్​ఎంపీ వద్దకు వెళ్తే మత్తు ఇంజక్షన్ ఇచ్చి అత్యాచారానికి యత్నించాడు. బాధితురాలు పోలీసులకు ఫిర్యాదు చేసింది.

అసలేం జరిగిందంటే..

నీరసంగా ఉండటం వల్ల ఓ గిరిజన మహిళ వైద్యం కోసం బుధవారం భర్తతో కలిసి ఆర్​ఎంపీ తుపాకుల సుభ్రమణ్యం దగ్గరకు వెళ్లింది. ఆ మహిళకు బీపీ తగ్గిందని మందులు రాసి ఇచ్చాడు. ఈ క్రమంలో మహిళ భర్త మందుల కోసం వెళ్లగా.. ఆ వైద్యుడి బుద్ధి వక్రమార్గంలో పయనించింది. ఇంజక్షన్​ ఇవ్వడంతో స్పృహ తప్పానని, అనంతరం ఆర్​ఎంపీ తనపై అత్యాచారానికి యత్నించాడని బాధిత మహిళ పేర్కొంది. బాధితురాలి ఫిర్యాదు మేరకు ఎస్సై ప్రభాకర్ కేసు నమోదు చేసి దర్యాప్తు చేస్తున్నారు.