పేకాట స్థావరంపై పోలీసుల దాడి.. ఎనిమిది మంది అరెస్ట్​

నెల్లూరు నగరంలోని ఓ ఇంట్లో నిర్వహిస్తున్న పేకాట స్థావరంపై పోలీసులు దాడులు నిర్వహించారు. ఎనిమిది మంది పేకాట రాయుళ్లను అరెస్ట్ చేసి వారి నుంచి రూ.ఐదు లక్షల నగదును స్వాధీనం చేసుకున్నారు.

నెల్లూరులోని సరస్వతి నగర్​లో ఓ ఇంట్లో నిర్వహిస్తున్న పేకాట స్థావరంపై పోలీసులు దాడులు నిర్వహించారు. దాడుల్లో ఎనిమిది మంది పేకాట రాయుళ్లలను అరెస్ట్ చేశారు. వారి నుంచి రూ.ఐదు లక్షల నగదు, ఎనిమిది సెల్​ఫోన్​లను పోలీసులు స్వాధీనం చేసుకున్నారు. పేకాట నిర్వహకుడు ప్రశాంత్ కుమార్ పరారీలో ఉండగా... త్వరలోనే అతడిని పట్టుకుంటామని నగర డీఎస్పీ శ్రీనివాసులు రెడ్డి తెలిపారు. అసాంఘిక కార్యకలాపాలకు పాల్పడిన వారిపై కఠిన చర్యలు తీసుకుంటామని ఆయన హెచ్చరించారు.

ఇదీ చూడండి: లారీలో పేకాట ఆడారు... పోలీసులకు చిక్కారు