ఉరి వేసుకున్న స్థితిలో వివాహిత మృతి... ఆత్మహత్యేనా!

నెల్లూరు జిల్లా దామరమడుగులో ఓ వివాహిత ఉరివేసుకున్న స్థితిలో మృతి చెందింది. గత కొంతకాలంగా భార్యాభర్తల మధ్య కలహాలు జరుగుతున్నాయని స్థానికులు చెప్తున్న నేపథ్యంలో.. ఆమె ఆత్మహత్య చేసుకుందా లేక హత్యకు గురైందా అనే కోణంలో పోలీసులు దర్యాప్తు చేస్తున్నారు.

నెల్లూరు జిల్లా బుచ్చిరెడ్డిపాలెం మండలం దామరమడుగులో ఓ వివాహిత అనుమానాస్పద స్థితిలో మృతి చెంది ఉంది. ఆమెను సుజాతగా గుర్తించారు. 12 సంవత్సరాల క్రితం ఆమెకు చంద్రశేఖర్ అనే వ్యక్తితో వివాహమైంది.

గత కొద్దిరోజులుగా భార్యాభర్తల మధ్య గొడవలు జరుగుతున్నట్లు స్థానికులు తెలిపారు. ఈ నేపథ్యంలోనే ఆమె ఉరివేసుకున్న స్థితిలో చనిపోయి కనిపించింది. కేసు నమోదు చేసుకున్న పోలీసులు దర్యాప్తు చేపట్టారు.

ఇవీ చదవండి: