నెల్లూరు జిల్లా శ్రీహరికోటలో పీఎస్ఎల్వీ(పోలార్ శాటిలైట్ లాంచ్ వెహికల్)- సీ48 ప్రయోగానికి కౌంట్డౌన్ కొనసాగుతోంది. ఇవాళ సాయంత్రం 4 గంటల 25 నిమిషాలకు కౌంట్డౌన్ ప్రక్రియ ప్రారంభమైంది. 23 గంటల పాటు కౌంట్డౌన్ కొనసాగనుంది. బుధవారం మధ్యాహ్నం 3 గంటల 25 నిమిషాలకు రాకెట్ను నింగిలోకి పంపనున్నారు. ఇప్పటికే రాకెట్లోకి ఇంధనం నింపే ప్రకియను ఇస్రో పూర్తి చేసింది. షార్ నుంచి ఇది 75వ ప్రయోగమని ఇస్రో ఛైర్మన్‌ శివన్‌ వెల్లడించారు. మొదటి ప్రయోగ వేదిక ద్వారా పీఎస్ఎల్వీ- సీ48ని రాడార్ ఇమేజింగ్ ఎర్త్ అబ్జర్వేషన్ ఉపగ్రహంతో... నిర్ణీత కక్ష్యలోకి ప్రవేశ పెట్టనున్నారు. పీఎస్ఎల్వీ రీశాట్- 2బీఆర్1తో పాటు విదేశాలకు చెందిన 9 ఉపగ్రహాలను పీఎస్ఎల్వీ సీ- 48 కక్ష్యలోకి మోసుకెళ్లనుంది.
ఇదీ చదవండి:
