కరోనా వైరస్ నియంత్రణ చర్యల్లో భాగంగా సెంబ్ క్రాప్ ఎనర్జీ ప్రైవేట్ లిమిటెడ్ సంస్థ తమ వంతు చేయూతనందించింది. నెల్లూరులోని క్యాంపు కార్యాలయంలో కలెక్టర్ చక్రధర్ బాబుకు సుమారు 25 లక్షల రూపాయల విలువైన తొమ్మిది హెమటాలజీ అనాలసిస్ మిషన్లను అందజేసింది. ఆ సంస్థ సి.ఎస్.ఆర్. హెడ్ ప్రభాకర్ వర్మ కలెక్టర్కు ఈ మిషన్లు అందించారు. వాటిని ప్రభుత్వ హాస్పిటల్స్ లో వినియోగించాలని కోరారు. రక్త పరీక్షలకు ఉపయోగించే హెమటాలజీ మిషన్స్ ను అందివ్వడం అభినందనీయమని ఈ సందర్భంగా కలెక్టర్ కొనియాడారు. పారిశ్రామిక వేత్తలు, కార్పొరేట్ సంస్థలు ముందుకు వచ్చి, సామాజిక బాధ్యతగా కరోనా నివారణ చర్యలకు తోడ్పాటు అందించాలని కలెక్టర్ కోరారు.
