ద్విచక్రవాహనం అదుపుతప్పి బోల్తా పడటంతో.. డిగ్రీ చివరి ఏడాది చదువుతున్న ఓ విద్యార్థిని మరణించింది. నెల్లూరు జిల్లా చిట్టమూరు మండలం గునపాడు వద్ద ఈ ఘటన జరిగింది. స్నేహితుడితో కలిసి ద్విచక్రవాహనంపై వస్తుండగా.. స్పీడ్ బ్రేకర్ను గమనించి ఒక్కసారిగా బ్రేక్ వేయడంతో ఆమె కిందపడి ప్రాణాలు కోల్పోయింది. యువకుడికి గాయాలయ్యాయి.
నెల్లూరు సమీప గ్రామానికి చెందిన విద్యార్థిని.. కోట మండలం విద్యానగర్లోని ఓ డిగ్రీ కళాశాలలో చదువుతోంది. అదే కళాశాలలో డిగ్రీ పూర్తి చేసి ప్రస్తుతం నాయుడుపేట మండలం మేనకూరులోని ఓ కంపెనీలో ఆ యువకుడు పని చేస్తున్నాడు. విద్యార్థిని మృతదేహాన్ని నాయుడుపేట ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి:
