పసుపు పంటను కొనుగోలు చేసేందుకు ప్రభుత్వం ఈ నెలాఖరు వరకు గడువు పొడిగించిందని నెల్లూరు మార్క్ఫెడ్ మేనేజర్ సుజాత తెలిపారు. ఉదయగిరి సబ్ డివిజన్ పరిధిలో పసుపు సాగు చేసిన రైతుల వివరాలను వ్యవసాయ అధికారుల నుంచి ఆమె సేకరించారు. ఈ వివరాలను జేసీకి సమర్పించి... అనుమతి వచ్చిన అనంతరం పంట కొనుగోలు చేసి రైతుల ఖాతాల్లో నగదు జమ చేస్తామని తెలిపారు. ఈ కర్షక్ ఆధారంగా ఉదయగిరి సబ్డివిజన్ పరిధిలో 171 మంది రైతులు పసుపు సాగు చేసినట్లు నమోదైందని పేర్కొన్నారు. ఇప్పటివరకు 152 మంది రైతుల పేర్లను నమోదు చేశామన్నారు. సోమవారం నుంచి పసుపు కొనుగోళ్లను ప్రారంభిస్తామని ప్రకటించారు.
ఇదీచదవండి.
