నాయుడుపేటలో పెరుగుతున్న కరోనా పాజిటివ్ కేసులు

నెల్లూరు జిల్లా నాయుడుపేట పురపాలకసంఘం పరిధిలో కరోనా వైరస్ వ్యాప్తి అధికమవుతుంది. ముఖ్యంగా సెజ్ భూముల్లో ఉన్న కంపెనీల్లో పని చేస్తున్న వారు ఎక్కువగా వైరస్ బారిన పడటంతో.. బాధితులను ఐసోలేషన్​కు తరలించారు.

నెల్లూరు జిల్లా నాయుడుపేట పురపాలక సంఘంలో కరోనా బాధితులు రోజురోజుకి ఎక్కువవుతున్నారు. ఇప్పటికే పురపాలక పరిధిలో 120 కేసులు నమోదు అయ్యాయి. మేనకూరు ప్రత్యేక ఆర్థిక మండలి భూముల(సెజ్)లో ఉన్న కంపెనీల్లో పని చేసే సిబ్బంది.. అధిక సంఖ్యలో కరోనా వైరస్​ బారిన పడ్డారు. దీంతో బాధితులను ఐసోలేషన్​ వార్డుకు తరలించగా.. వారితో సన్నిహితంగా ఉన్న సిబ్బందితో కొవిడ్ పరీక్షలు నిర్వహించారు. కరోనా వైరస్ సోకి, పోలీసులు, అధికారులు విధులకు హాజరుకావటం లేదు. వైద్యులు సైతం కొవిడ్​ బారిన పడటంతో వారు హోం క్వారంటైన్​లో ఉంటున్నారు.

ఇదీ చదవండి: నెల్లూరు కెమికల్‌ ఫ్యాక్టరీ ప్రమాదంలో ఇద్దరు మృతి