'రైతులకు ఇబ్బంది లేకుండా ధాన్యం కొనుగోలు'

నెల్లూరు జిల్లాకు సంబంధించి ఏ సమస్యనైనా పరిష్కరించేందుకు కృషి చేస్తామని జిల్లా ఇన్​ఛార్జీ మంత్రి బాలినేని శ్రీనివాసులు రెడ్డి అన్నారు. అన్నదాతలు నష్టపోకుండా ధాన్యం కొనుగోలు చేయాలని అధికారులను ఆయన ఆదేశించారు.

నెల్లూరు జిల్లాలో రైతులకు ఇబ్బంది కలగకుండా ధాన్యం కొనుగోలు కేంద్రాలను పక్కాగా నిర్వహించాలని జిల్లా ఇన్​ఛార్జీ మంత్రి బాలినేని శ్రీనివాసులరెడ్డి ఆదేశాలు ఇచ్చారు. నిరంతరం అధికారుల పర్యవేక్షణ ఉండాలని సూచించారు. నెల్లూరులోని జిల్లా పరిషత్ కార్యాలయంలో నిర్వహించిన జిల్లా సమీక్షా కమిటీ(డీఆర్​సీ) సమావేశానికి ఆయన హాజరయ్యారు. పార్టీలకతీతంగా అర్హులందరికీ పథకాలు అందజేస్తున్నామని వెల్లడించారు. జిల్లాకు సంబంధించి ఏ సమస్యనైనా పరిష్కరించేందుకు కృషి చేస్తామన్నారు. స్థానిక సంస్థల ఎన్నికలు ముగిసిన తర్వాత మరోసారి డీఆర్​సీ సమావేశం నిర్వహించనున్నట్లు తెలిపారు.