Condolence to Taraka Ratna : జనవరి 27వ తేదీన అస్వస్థతుకు గురై.. 23 రోజులపాటు బెంగళూరు ఆస్పత్రిలో చికిత్స పొందుతూ తారకరత్న కన్నుమూశారు. హైదరాబాద్లోని తారకరత్న స్వగృహానికి పలువురు తరలివచ్చి.. పార్దివదేహానికి నివాళులు అర్పించారు. బెంగుళూరు నుంచి స్వగృహానికి చేరుకున్న తారకరత్న పార్దివదేహాన్ని.. వివిద రంగాలకు చెందిన ప్రముఖులు సందర్శించారు. తెలుగుదేశం అధినేత చంద్రబాబు, వైసీపీ ఎంపీ విజయసాయి రెడ్డి నివాళులు అర్పించారు. నారా లోకేశ్, నారా బ్రాహ్మణి తారకరత్న మృతి పట్ల సంతాపం వ్యక్తం చేశారు. జూనియర్ ఎన్టీఆర్, కల్యాణ్ రామ్, నటుడు అజయ్ నివాళులు అర్పించారు.
గవర్నర్‌ గవర్నర్‌ బిశ్వభూషణ్ హరిచందన్‌: తారకరత్న మృతిపట్ల గవర్నర్‌ బిశ్వభూషణ్ హరిచందన్‌ దిగ్బ్రాంతి వ్యక్తం చేశారు. తారకరత్న కుటుంబసభ్యులకు ప్రగాఢ సానుభూతి తెలిపారు.
చంద్రబాబు నివాళులు : తెలుగుదేశం అధినేత నారా చంద్రబాబు నాయుడు ఆయన సతీమణితో కలిసి తారకరత్నకు నివాళులు అర్పించారు. హైదరాబాద్కు చేరుకున్న చంద్రబాబు దంపతులు తారకరత్నకు నివాళులు అర్పించి సంతాపం వ్యక్తం చేశారు. తారకరత్న మృతి దురదృష్టకరమని చంద్రబాబు అన్నారు. తారకరత్న కొలుకుని మళ్లీ తిరిగి వస్తాడని ఆశించామని పేర్కొన్నారు. 23 రోజులు మృత్యువుతో పోరాడి తుదిశ్వాస విడిచారని.. చిన్న వయస్సులో తారకరత్న ప్రాణాలు కోల్పోవటం బాధగా ఉందన్నారు. సినీ రంగంలో మంచి భవిష్యత్ ఉన్న వ్యక్తి అని తెలిపారు. ఎప్పుడూ సమాజానికి ఏదో సేవ చేయాలనే ఆలోచన ఉన్న వ్యక్తి తారకరత్న అని బాబు చెప్పారు. ఈసారి ఎన్నికల్లో పోటీ చేయాలనే ఆలోచన ఉందనే అభిలాషను తారకరత్న చెప్పారని వెల్లడించారు. ఆయన ఆత్మకు శాంతి కలగాలని భగవంతుడిని ప్రార్థిస్తున్న అని చంద్రబాబు అన్నారు.
"మంచి భవిష్యత్ ఉన్న వ్యక్తి. సినిమా రంగంలో ఒకే రోజు తొమ్మిది సినిమాలు ప్రారంభించారు. చిన్న వయస్సులోనే 23 సినిమాలలో నటించారు. ఆయనకు నంది అవార్డు కూడా వచ్చింది. ఎప్పుడు సమాజానికి ఎదో చేయాలనుకునే వ్యక్తి. రాజకీయాలలోకి వస్తానని నాతో అన్నారు. కానీ, ఇప్పుడు ఇలా జరగటం చాలా బాధాకరం." -చంద్రబాబు, టీడీపీ అధినేత
వైసీపీ ఎంపీ విజయసాయి రెడ్డి సంతాపం : తారకరత్న మృతిపట్ల వైసీపీ ఎంపీ విజయసాయి రెడ్డి నివాళులు అర్పించారు. హైదరాబాద్లోని మోకిలలో ఉంచిన తారకరత్న బౌతికకాయన్ని ఆయన సందర్సించి సంతాపం వ్యక్తం చేశారు. బెంగూళూరులో తారకరత్న చికిత్స తీసుకుంటున్న సమయంలో కూడా విజయసాయి రెడ్డి.. బెంగూళూరు వెళ్లి తారకరత్న కుటుంబ సభ్యులను పరామర్శించారు.
జూ. ఎన్టీఆర్, కల్యాణ్ రామ్ల నివాళులు : తారకరత్న మరణ వార్త నందమూరి కుటుంబాన్ని కలచి వేసింది. తిరిగి వస్తాడని ఆశించిన నందమూరి కుటుంబ సభ్యులకు తారకరత్న బాధనే మిగిల్చారు. బెంగుళూరు నుంచి హైదరాబాద్కు చేరుకున్న తారకరత్న పార్థివదేహన్ని జూనియర్ ఎన్టీఆర్, కల్యాణ్ రామ్, నటుడు అజయ్ సందర్శించారు. అనంతరం తారకరత్నకు నివాళులు అర్పించారు.
నివాళులు అర్పించిన నారా లోకేశ్, బ్రహ్మణి దంపతులు : తారకరత్న మృతిపట్ల నారా లోకేశ్ తీవ్ర దిగ్బ్రాంతిని వ్యక్తం చేశారు. తారకరత్న తనతో ఆప్యాయంగా ఉండేవారని గుర్తు చేశారు. తారకరత్న పార్థివదేహనికి నారా లోకేశ్, నారా బ్రహ్మణి నివాళులు అర్పించారు.
నివాళులు అర్పించిన సినీయర్ నటుడు మురళీ మోహన్ : తారకరత్న మృతిపట్ల సినీయర్ నటుడు మురళీ మోహన్ నివాళులు అర్పించారు. ఎప్పుడు కనిపించినా తారకరత్న తనతో అప్యాయంగా మాట్లాడేవారని గుర్తు చేశారు. మంచి వ్యక్తిని కొల్పోయామని ఆయన విచారం వ్యక్తం చేశారు.
"ఎక్కడ కనిపించినా మామయ్య అంటూ అప్యాయంగా నవ్వుతూ పలకరించేవారు. అప్యాయంగా మాట్లాడే వారు. అలాంటి వ్యక్తి మరణించడం చాలా బాధగా ఉంది." -మురళీ మోహన్, సినీయర్ నటుడు
మంచి వ్యక్తిని కోల్పోయాం: తారకరత్న మంచి వ్యక్తి.. ఎప్పుడు కలిసినా గౌరవంతో మర్యాదగా ఉండేవారని నటుడు అలీ అన్నారు. పెద్ద కుటుంబం నుంచి వచ్చిన కూడా సినీయర్ నటులకు మర్యాద ఇచ్చేవారని తెలిపారు.
"పెద్ద కుటుంబం నుంచి వచ్చిన కూడా సినీయర్ నటులు అంటే గౌరవమిచ్చేవారు. చాలా మర్యాదాగా ఉండేవారు. పెద్దవాళ్లు కనపడితే వాళ్లని కూర్చోబెట్టిన తర్వాత తాను కూర్చునే వారు." -నటుడు అలీ
తారకరత్న మృతిపట్ల టీడీపీ నేతలు: తారకరత్న మరణం జీర్ణించుకోలేకపోతున్నామని మాజీమంత్రులు ఆలపాటి రాజేంద్ర ప్రసాద్‌, నక్కా ఆనందబాబు, మాజీ ఎంపీ మాగంటి బాబు, మాజీ ఎమ్మెల్యే యరపతినేని శ్రీనివాసరావు, గొట్టిపాటి రవికుమార్‌ తదితరులు తీవ్ర దిగ్ర్భాంతి వ్యక్తం చేశారు. మూడు రోజుల్లో తారకరత్న జన్మదినం ఉందని, కోలుకుని ఆ వేడుకల్లో అందరినీ ఆప్యాయంగా పలకరిస్తాడని అనుకున్న సమయంలో... ఆయన మరణం తీరని లోటని వంగలపూడి అనిత పేర్కొన్నారు. చిన్న వయసులోనే గుండెపోటుతో పోరాడుతుంటే ఒకటో నెంబర్ కుర్రాడిలా తిరిగి వస్తాడనుకున్నామని మాజీ మంత్రి కళా వెంకట్రావు అన్నారు. కుటుంబ సభ్యులకు ప్రగాఢ సానుభూతి తెలిపారు.
ఇవీ చదవండి :
