Youngers fight on Road: డోన్ పట్టణంలో యువకులు వీరంగం సృష్టించారు. పాత కక్షలు మనసులో ఉంచుకుని పరస్పరం దాడికి దిగిన ఘటన నంద్యాల జిల్లా డోన్ పట్టణంలో జరిగింది. గత 4 రోజుల క్రితం పట్టణంలోని టీచర్స్ కాలనీలో యువకులు కొట్టుకున్నారు. సుందర్ సింగ్ కాలనీకి చెందిన కొందరు యువకులు ద్వి చక్ర వాహనంపై వేగంగా వచ్చి.. టీచర్స్ కాలనీ యువకులను ఢీకొట్టారు. దీంతో కాలనీలో ఇళ్ల ముందున్న కర్రలతో కొట్టుకున్నారు. ఈ ఘటనపై పట్టణ పోలీస్ స్టేషన్లో ఐదుగురిపై కేసు నమోదు చేశారు.
తాజాగా ఈ ఘటనను మనసులో పెట్టుకుని యువకులు మరోసారి ఘర్షణకు దిగారు. రోడ్డుపై కొట్టుకోవడంతో స్థానికులు భయాందోళనకు గురయ్యారు. ఈ దాడిని కొంతమంది వీడియోలు తీసి సోషల్ మీడియాలో పోస్ట్ చేసారు. ప్రస్తుతం ఈ వీడియో సోషల్ మీడియాలో చక్కర్లు కొడుతోంది.
ఇవీ చదవండి:
