సీఐతో వివాదం దురదృష్టకరం: హాబీబుల్లా

పోలీసులు అంటే గౌరవం ఉందని.. తనకు, సీఐకు జరిగిన వివాదం దురదృష్టకరమని వైకాపా మైనారిటీ సెల్ రాష్ట్ర నాయకుడు డి.ఎస్. హాబీబుల్లా నంద్యాలలో అన్నారు.

కర్నూలు జిల్లా నంద్యాలలో ఒకటో పట్టణ పోలీసు స్టేషన్ సీఐకి, వైకాపా మైనారిటీ సెల్ రాష్ట్ర నాయకుడు హాబీబుల్లాకు మధ్య జరిగిన వివాదానికి తెర పడింది. స్టేషన్​కు వెళ్లి సీఐని ఆయన కలిశారు. తనకు, సీఐకు మధ్య జరిగిన వివాదం దురదృష్టకర సంఘటనగా హబీబుల్లా చెప్పారు.

పోలీసుల అంటే ముఖ్యమంత్రి నుంచి కార్యకర్త వరకు గౌరవం ఉందన్నారు. ఈ వివాదం.. బాధాకరమని నంద్యాల ఎమ్మెల్యే శిల్పా రవిచంద్ర కిషోర్ రెడ్డి అన్నారు. పోలీసులు బాధపడి ఉంటే పార్టీ తరఫున క్షమాపణ చెప్పేందుకు సిద్ధంగా ఉన్నామన్నారు.

ఇదీ చదవండి: