రోజు రోజుకు పడిపోతున్న టమాట ధర...

కర్నూలులో టమాట ధర నేలను తాకుతోంది. ఎంతో కష్టించి పండించిన అన్నదాతకు పెట్టుబడి కూడా దక్కటం లేదు. పతనమౌతున్న ధరలకు విసుగు చెందిన అన్నదాత.. టమాట పంటను మార్కెట్లో పారబోస్తూ కన్నీరు పెట్టుకుంటున్నారు.

కర్నూలు జిల్లా పత్తికొండ వ్యవసాయ మార్కెట్లో రెండో రోజు కూడా టమాట ధరలు పతనమయ్యాయి. నిన్న ధర లేకపోవటంతో అన్నదాతలు టమాటను మార్కెట్లోనే పారబోసి నిరసన వ్యక్తం చేశారు. ఈ రోజు అదే పరిస్థితి నెలకొంది. కనీసం కోత కూలీలు, రవాణా ఛార్జీలు కూడా రాకపోవటంతో... తమ పంటను మార్కెట్లో పారబోసి వెళ్లిపోయారు. ఈ విషయం పై తెదేపా, సీపీఐ నాయకులు రైతుల సమస్యలు అడిగి తెలుసుకున్నారు. ప్రభుత్వం టమాటలు కొనుగోలు చేసి అన్నదాతలను ఆదుకోవాలని డిమాండ్ చేశారు.

ఇదీ చదవండీ...