మున్సిపల్ అధికారుల నిర్లక్ష్యం కారణంగా ఓ విద్యార్థి ప్రాణాలు కోల్పోయిన ఘటన కర్నూలు జిల్లా డోన్లో చోటు చేసుకుంది. డోన్ పట్టణంలోని వైయస్నగర్లో గత 15 రోజులుగా.. గాజులదిన్నె తాగునీటి పైప్ లైన్ లీకేజీ అవుతోంది. దీంతో అధికారులు గుంత తీసి మరమ్మతులు చేపట్టారు. అయినప్పటికీ నీరు లీకేజీ అవుతూనే ఉంది. ఆ గుంత లోతుగా ఉండడంతో నీరు నిల్వ ఉంది.
పని పూర్తి కాలేదని గుంతను పుడ్చకుండా వదిలేశారు. అయితే జంగాల కాలనీకి చెందిన దంపతులు హరిబాబు, హరితల కుమారుడు మల్లికార్జున్ (9) అడుకుంటూ గుంతలో పడిపోయాడు. మల్లికార్జున్తో పాటు వెళ్లిన మరో పిల్లాడు చూసి అక్కడుకున్న వారికి సమాచారం అందించారు. స్థానికులు బాలుడిని బయటకు తీసి డోన్ ప్రభుత్వాస్పత్రికి తరలించగా.. అప్పటికే మృతి చెందాడని వైద్యులు నిర్ధారించారు.
ఇదీ చదవండి:
