నాటుసారా స్థావరాలపై దాడులకు వెళ్తే... వాహనానికి నిప్పు పెట్టారు..!

కర్నూలు జిల్లా బోగులలో నాటుసారా తయారీ స్థావరాలపై దాడికి వెళ్లిన పోలీసులకు ఊహించని ఘటన ఎదురైంది. వారి ద్విచక్రవాహనం ఇంజన్​కు గుర్తు తెలియని వ్యక్తులు నిప్పు పెట్టారు. సారా తయారీ దారులే ఈ పని చేసి ఉంటారని వారు అనుమానం వ్యక్తం చేశారు.

కర్నూలు జిల్లా గడివేముల మండలం బోగుల గ్రామంలోని నాటుసారా తయారీ స్థావరాలపై దాడులు నిర్వహించేందుకు.. గడివేముల పోలీస్ స్టేషన్​లో పనిచేస్తోన్న ఇద్దరు కానిస్టేబుళ్లు తమ ద్విచక్రవాహనాలపై వెళ్లారు. బట్టీలను ధ్వంసం చేసి, తిరిగి వచ్చి చూడగా.. ఒక ద్విచక్రవాహనం ఇంజన్​కు నిప్పు పెట్టారు. మరో వాహనంలో గాలి తీశారు. నాటుసారా తయారీ దారులే ఈ పని చేసి ఉంటారని వారు అనుమానం వ్యక్తం చేశారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

ఇదీచదవండి.