పంచాయతీ ఎన్నికల్లో తెదేపా మద్దతుదారుడిని సర్పంచిగా గెలిపించానని సాగుతున్న ప్రచారం అవాస్తవమని వైకాపా ఎంపీ గోరంట్ల మాధవ్ అన్నారు. కర్నూలులోని పి.రుద్రవరం తన స్వగ్రామమని.. ఆ ఊరిలో నలుగురు అభ్యర్థులు వైకాపా తరఫున పోటీ చేసేందుకు ముందుకు వచ్చారని తెలిపారు. గ్రామస్థులందరి సమక్షంలో చర్చించి.. మధు అనే వ్యక్తిని ఏకగ్రీవంగా ఎన్నుకున్నామని పేర్కొన్నారు. సోషల్ మీడియా, పలు పత్రికలు, టీవీ ఛానల్స్లో తప్పుడు ప్రచారాలు జరిగాయన్నారు. వాటన్నిటికీ సమాధానంగా సర్పంచి అభ్యర్థిగా గెలిచిన మధుతో పాటు ప్రెస్మీట్ ఏర్పాటు చేసినట్లు మాధవ్ తెలిపారు.
ఇదీ చదవండి: చీకటి ఒప్పందాలను బయటపెట్టాలి: సబ్బం హరి
