రాష్ట్ర వ్యాప్తంగా పోలీసులు దాడులు నిర్వహించారు. అక్రమంగా తరలిస్తున్న, నిల్వ చేసిన మద్యం, గుట్కా ప్యాకెట్లను స్వాధీనం చేసుకున్నారు. చట్టవ్యతిరేక కార్యక్రమాలకు పాల్పడితే కఠిన చర్యలు తీసుకుంటామని హెచ్చరించారు.
గుంటూరు జిల్లా
గుంటూరు జిల్లా మంగళగిరిలో గంజాయి విక్రయిస్తున్న ఏడుగురిని పోలీసులు అరెస్టు చేశారు. వీరి వద్ద నుంచి నాలుగున్నర కేజీల గంజాయిని స్వాధీనం చేశారు. వీరంతా పదిహేడేళ్లలోపు వారే అని పోలీసులు తెలిపారు.
కర్నూలు జిల్లా
కర్నూలు జిల్లాలో అక్రమంగా మద్యం, గుట్కా వ్యాపారం చేస్తున్న 10మంది ముఠా సభ్యులను పోలీసులు అరెస్టు చేశారు. నిందితుల నుంచి రూ.12.5లక్షల విలువైన మద్యం, రూ.7.5 లక్షలు విలువ చేసే గుట్కా ప్యాకెట్లను స్వాధీనం చేసుకున్నారు. ఐదు ఆటోలను, మూడు ద్విచక్రవాహనాలను సీజ్ చేశారు.
అనంతపురం జిల్లా
అనంతపురం జిల్లా మడకశిర మండలంలో పోలీసులు తనిఖీలు నిర్వహించారు. ఈ తనిఖీల్లో 464 కర్ణాటకకు చెందిన మద్యం ప్యాకెట్లు స్వాధీనం చేసుకుని.. ముగ్గురు వ్యక్తులను అరెస్టు చేశారు. రెండు ద్విచక్ర వాహనాలను సీజ్ చేశారు. జిల్లాలో చట్ట వ్యతిరేక కార్యక్రమాలకు పాల్పడుతున్న 11 మందిని అరెస్టు చేశారు. వారి వద్ద నుంచి రూ.60 వేలు నగదు, 1800 గ్రాముల గంజాయి, 49 కర్ణాటక మద్యం ప్యాకెట్లు మూడు ఆటోలను స్వాధీనం చేసుకున్నారు.
కడప జిల్లా
కడప జిల్లా రైల్వే కోడూరు మండలంలో పోలీసులు దాడులు నిర్వహించారు. అక్రమంగా రవాణా చేస్తున్న 159 మద్యం సీసాలు, రూ.పదివేలు విలువ చేసే 375 గుట్కా ప్యాకెట్లను స్వాధీనం చేసుకున్నారు. ముగ్గురు వ్యక్తులను అరెస్టు చేసినట్లు తెలిపారు.
ఇదీ చదవండి
