అల్లరి చేస్తున్నాడంటూ మూడేళ్ల బాలుడిపై దాడి చేసి చంపేశాడు
కర్నూలు నగరంలో దారుణం చోటుచేసుకుంది. అల్లరి చేస్తున్నాడన్న కారణంతో విచక్షణ రహితంగా కొట్టడంతో మూడేళ్ల బాలుడు మృతి చెందాడు. నగరంలోని వీకర్ సెక్షన్ కాలనీకి చెందిన ఫరూక్.. ఓ మహిళతో సహజీవనం చేస్తున్నాడు. అల్లరి చేస్తున్నాడంటూ ఆమె కుమారుడుని ఫరూక్ విచక్షణ రహితంగా కొట్టడం వల్ల బాలుడు అపస్మారక స్థితిలోకి వెళ్లాడు. చికిత్స కోసం కర్నూలు ఆసుపత్రికి తరలించినా.. అప్పటికే బాలుడు మృతి చెందాడని వైద్యులు తెలిపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
