రాష్ట్రంలో విద్యుత్ వైర్లను తాకకుండానే..ప్రజలకు షాక్ తగులుతోంది. గత కొన్ని నెలలుగా విద్యుత్ సిబ్బంది నిర్వాకంతో బిల్లుల్లో పొరపాట్లు చోటు చేసుకుంటున్నాయి. ఇలాంటి ఘటనలు ఒకటి, రెండు కాదు.. ఎన్నో జరుగుతున్నాయి. మరోవైపు ఈ బిల్లులను చూసి బాధితులు లబోదిబోమంటున్నారు. ఈ మధ్య పశ్చిమగోదావరి జిల్లాలో ఓ చిన్న హోటల్కు రూ.21 కోట్ల బిల్లు రాగా.. అలాంటి ఘటనే కర్నూలు జిల్లాలో జరిగింది.
కర్నూలు జిల్లా ఆదోనిలో బసవన్న అనే వ్యక్తి తన ఇంట్లోనే పంక్చర్ దుకాణం నిర్వహిస్తున్నాడు. పొట్టకూటి కోసం పని చేసుకుంటున్న బసవన్నకు విద్యుత్ అధికారులు షాకిచ్చారు. ఈనెల విద్యుత్ బిల్లు ఏకంగా రూ. 57 వేలు రావడంతో.. బసవన్న షాక్ తిన్నాడు. అంత బిల్లు ఎలా కట్టాలా అని ఆవేదన వ్యక్తం చేస్తున్నాడు.
ప్రతి నెలా కరెంటు బిల్లు వంద రూపాయలు వస్తుంది. ఈ సారి మాత్రం 57 వేల రూపాయలు వచ్చింది. ఈ విషయం అధికారుల దృష్టికి తీసుకెళ్లడానికి విద్యుత్ కార్యాలయానికి వెళ్లాను. వారు అందుబాటులో లేరు. -బసవన్న, బాధితుడు
ఇదీ చదవండి: STUDENT DEAD: గుంతలు తీసి మరిచారు..బాలుడి ప్రాణాలు తీశారు
