కృష్ణా జిల్లాలో దివంగత నేత వైఎస్ రాజశేఖర్రెడ్డి జయంతిని వైకాపా నాయకులు నిర్వహించారు. కృష్ణా జిల్లా గన్నవరంలో 104 వాహనాలను వైకాపా రాష్ట్ర పొలిటికల్ అడ్వైజరీ కమిటీ సభ్యులు డాక్టర్ దుట్టా రామచంద్రరావు, స్థానిక ఎమ్మెల్యే వల్లభనేని వంశీ లాంఛనంగా ప్రారంభించారు. రైతు దినోత్సవంగా జరుపుకోవడం ఆనందంగా ఉందని డాక్టర్ దుట్టా రామచంద్ర రావు అన్నారు. వ్యవసాయానికి రాజశేఖర్రెడ్డి ఇచ్చిన ప్రాధాన్యత సీఎం జగన్ ఇవ్వడం శుభపరిణామమని వల్లభనేని వంశీ అన్నారు.
కృష్ణా జిల్లా మైలవరం నియోజకవర్గంలో వైఎస్ జయంతి నిర్వహించారు. పేదల మదిలో చిరస్థాయిగా నిలిచిపోయిన నాయకుడు వైఎస్ అని ఎమ్మెల్యే వసంత కృష్ణ ప్రసాద్ కొనియాడారు.
పామర్రులో ఎమ్మెల్యే అనిల్కుమార్.. వైఎస్ఆర్ విగ్రహానికి పూలమాలలు వేసి నివాళులర్పించారు. జోహార్ వైఎస్ఆర్ అంటూ నినాదాలు చేస్తూ అయన చేసిన సేవలు గుర్తుచేసుకున్నారు.
ఇదీ చదవండి: రాష్ట్రంలో కొత్తగా 1062 కరోనా కేసులు నమోదు
