కృష్ణా జిల్లా మొవ్వ మండలం కూచిపూడిలో ప్రభుత్వం నిర్వహించే మద్యం దుకాణం వద్ద పనిచేసే వాచ్మెన్ కోటేశ్వరరావు.. పురుగుల మందు తాగి ఆత్మహత్యకు పాల్పడ్డాడు. అయ్యంకి గ్రామానికి చెందిన కోటేశ్వరరావు ప్రభుత్వ మద్యం దుకాణంలో రాత్రి పూట వాచ్మెన్గా విధులు నిర్వహించేవాడు. లాక్డౌన్ తరువాత మద్యం దుకాణాలు తెరుచుకోగా.. గత రాత్రి విధులకు వెళ్లాడు.
దుకాణంలో ఉన్న మిగిలిన ఉద్యోగులు నిబంధనలకు విరుద్ధంగా మద్యం బయటకు తరలిస్తుండగా అడ్డుకున్నాడని కుటుంబీకులు తెలిపాారు. అక్కడ జరిగిన వాగ్వాదం కారణంగానే మనస్థాపానికి గురై కోటేశ్వరరావు పురుగుల మందు తాగి ఆత్మహత్య చేసుకున్నాడని ఆరోపించారు. మద్యం దుకాణంలో పనిచేస్తున్న ఉద్యోగులపై కూచిపూడి పోలీసుస్టేషన్లో ఫిర్యాదు చేశారు.
కోటేశ్వరరావు మృతికి కారణం అయిన వారిపై చర్యలు తీసుకోవాలని నినాదాలు చేస్తూ పోలీసు స్టేషన్ ముందు బైఠాయించారు. పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి:
