భవానీ మండల దీక్ష స్వీకరణ కార్యక్రమం ప్రారంభం

విజయవాడ శ్రీ దుర్గామల్లేశ్వర స్వామివార్ల దేవస్థానంలో అమ్మవారి భవానీ మండల దీక్షా స్వీకరణ కార్యక్రమం ప్రారంభమైంది. భక్తులు అధిక సంఖ్యలో తరలివచ్చి భవానీ నామస్మరణతో దేవస్థానం ముందు మండల దీక్ష స్వీకరణ చేశారు.

విజయవాడ శ్రీ దుర్గామల్లేశ్వర స్వామివార్ల దేవస్థానంలో అమ్మవారి భవానీ మండల దీక్ష స్వీకరణ కార్యక్రమం ఘనంగా ప్రారంభమైంది. కార్తీక శుద్ధ ఏకాదశి కావటంతో ఉదయాన్నే అమ్మవారి ప్రధాన ఉత్సవమూర్తులను మహామండపము 6వ అంతస్తులో స్థాపన చేశారు. ఆలయ స్థానాచార్యులు విష్ణుభట్ల శివప్రసాద్​ శర్మ ఆధ్వర్యంలో ఆలయ ఈవో సురేష్​ బాబు దంపతులు తొలిగా విఘ్నేశ్వర పూజ చేశారు. అనంతరం ఋత్విక్ వరుణ ఇచ్చి మాలధారణ కార్యక్రమాన్ని ప్రారంభించారు. దేవాలయానికి వచ్చే భవానీ భక్తుల సౌకర్యం కోసం ప్రత్యేక భోజన ఏర్పాట్లు చేస్తున్నట్లు ఆలయ ఈవో ప్రకటనలో తెలిపారు.

భవానీ మండల దీక్ష స్వీకరణ కార్యక్రమం	నవంబర్ 8 నుంచి నవంబర్ 12వ తేదీ వరకు
అర్థ మండల దీక్ష స్వీకరణ కార్యక్రమం	నవంబర్​ 28 నుంచి డిసెంబర్‌ 1వ తేదీ వరకు
కలశ జ్యోతి ఉత్సవములు	డిసెంబర్ 11వ తేదీ సాయంత్రం 6 గంటలకు
చండీయాగం	డిసెంబర్ 18వ తేదీ నుంచి 22వ తేదీ వరకు
మహాపూర్ణాహుతి కార్యక్రమం	డిశెంబర్‌ 22వ తేదీ

ఇదీ చూడండి: భవానీల కోసం ఇంద్రకీలాద్రి సర్వసన్నద్ధం