సజ్జల దగ్గర విజయసాయి ఆస్తుల చిట్టా: వర్ల రామయ్య

వైకాపా ఎంపీ విజయసాయిరెడ్డిపై తెదేపా నేత వర్ల రామయ్య తీవ్ర ఆరోపణలు చేశారు. విజయసాయి రెడ్డి కూడబెట్టిన ఆస్తుల మొత్తం సమాచారం సజ్జల రామకృష్ణారెడ్డి వద్ద ఉందని పేర్కొన్నారు. దీనిని సీఎం జగన్​కు సజ్జల ఇచ్చారని ఆయన చెప్పారు.

విజయసాయి రెడ్డికి చంద్రబాబు గురించి మాట్లాడే అర్హత లేదని తెదేపా పొలిట్ బ్యూరో సభ్యుడు వర్ల రామయ్య ధ్వజమెత్తారు. విజయసాయిరెడ్డిని మించిన సూట్ కేసు కంపెనీల సృష్టికర్త ఎవరైనా ఉన్నారా అని ఎద్దేవా చేశారు. అంబులెన్స్‌ల వ్యవహారంలో భారీ కుంభకోణం జరిగిందని వర్ల ఆరోపించారు.

ఏ-2 విజయసాయిరెడ్డి గురించి సజ్జల దగ్గర మొత్తం సమాచారం ఉంది. మీరు కూడబెట్టిన ఆస్తుల చిట్టా సజ్జల.. జగన్‌కు ఇచ్చింది నిజం కాదా..?. జగన్​కేమో విజయసాయిరెడ్డి అప్రూవర్​గా మారతారని భయం. విజయసాయిరెడ్డికేమో లెక్కలో చూపని ఆస్తులను జగన్ స్వాధీనం చేసుకుంటారనే భయం. ఈ క్రమంలోనే విజయసాయిరెడ్డి 25 రోజులు కనిపించలేదు. నైతిక విలువలతో శేష జీవితం గడపడానికి ప్రయత్నం చేయండి- వర్ల రామయ్య, తెదేపా పొలిట్ బ్యూరో సభ్యుడు

ఇదీ చదవండి