బ్లాక్ ఫంగస్(Black Fungus) చికిత్సలో ఉపయోగించే యాంపొటెరిసిన్ ఇంజక్షన్లను బ్లాక్ మార్కెట్లో విక్రయిస్తున్న ముఠాను టాస్క్ ఫోర్స్ పోలీసులు అరెస్ట్(Arrest) చేశారు. కరోనా సోకిన వారికి బ్లాక్ ఫంగస్(Black Fungus) సోకుతుండటంతో.. వాటి చికిత్సకు వినియోగించే యాంపొటెరిసిన్ ఇంజక్షన్లకు డిమాండ్ పెరిగింది. ఈ క్రమంలో ఆరువేల రూపాయల ఖరీదు చేసే ఇంజక్షన్ ను 55 వేల రూపాయలకు విక్రయిస్తున్న ముఠాను పోలీసులు అదుపులోకి తీసుకున్నారు. మందుల దుకాణాలు, మెడికల్ రంగానికి సంబంధించిన పలువురు సిబ్బంది ఈ ముఠాలో ఉన్నట్లు విజయవాడ సీపీ బి.శ్రీనివాసులు తెలిపారు. మొత్తం 10 మంది ఉన్నట్లు సీపీ చెప్పారు. ఈ ఇంజక్షన్లు ఎక్కడ నుంచి వస్తున్నాయి .. బ్లాక్ మార్కెటింగ్ వెనుక ఇంకా ఎవరైనా ఉన్నారా ? అనే కోణంలో దర్యాప్తు చేస్తున్నామని సీపీ తెలిపారు.
ఇదీ చదవండీ.. 'ఆయిల్‌ సంస్థల అత్యాశ.. వినియోగదారునిపై భారం పెరిగేందుకు కారణం'
