నరేగా బిల్లుల చెల్లింపులో ప్రభుత్వం న్యాయస్థానాన్ని తప్పుదోవ పట్టిస్తోందని మాజీమంత్రి ఆలపాటి రాజా ఆరోపించారు. కేంద్రం ఇచ్చిన రూ.2 వేల 460 కోట్ల నిధుల్లో పెండింగ్ బిల్లులు ముందుగా చెల్లించాలని న్యాయస్థానం ఆదేశించినా.. ఇప్పటికీ చెల్లించండం లేదని అన్నారు. సోషల్ ఆడిట్ జరిగిన పనుల్లో మళ్లీ విజులెన్సు విచారణ చెల్లుబాటు కాదని.. బిల్లుల చెల్లింపుల తీరుపై కోర్టు తప్పుబట్టినా ప్రభుత్వం తీరు మారడం లేదని అన్నారు.
కేంద్రం విడుదల చేసిన రూ.4వేల కోట్ల నిధులను, ఇళ్ల స్థలాల చదును కోసం వినియోగించామని ప్రభుత్వం చెప్పింది. ఆ పనికి రూ.500 కోట్లు కూడా ఖర్చుచేయలేదని ఆరోపించారు. అధికారులను ప్రలోభపెట్టి, సంతకాలు పెట్టించుకుని వైకాపా నేతలే నిధులు కాజేశారని ఆరోపించారు. గత ప్రభుత్వంలో జరిగిన పనుల నిధులతో పాటు, కేంద్రం ఇచ్చిన రూ.6 వేల 400 కోట్లను ఎక్కడ, ఏ రూపంలో ఖర్చు చేశారో సమాధానం చెప్పాలి అని డిమాండ్ చేశారు.
ఇదీ చదవండి:
