కృష్ణా జిల్లా నిడుమోలు జాతీయరహదారిపై రోడ్డు ప్రమాదం చోటుచేసుకుంది. ద్విచక్ర వాహనాన్ని కారు ఢీకొట్టింది. ఈ ఘటనలో ఇద్దురు మృతి చెందారు. ముగ్గురు వ్యక్తులు మచిలీపట్నం నుంచి విజయవాడ వైపు బైక్‌పై బయలుదేరారు. కూచిపూడి సమీపంలోని నిడుమోలు జాతీయ రహదారికి చేరుకొనేసరికి ఓ కారు వెనుక నుంచి ఢీకొంది. బైక్‌పై ప్రయాణిస్తున్న వారిలో ఒకరు అక్కడికక్కడే మృతిచెందగా మరొకరు ఆస్పత్రికి తరలిస్తుండగా మరణించారు. మరో వ్యక్తి గాయాలతో బయటపడ్డారు.
పోలీసులు కేసు నమోదు చేసి దర్యాప్తు చేస్తున్నారు. కారు డ్రైవర్ను అదుపులోకి తీసుకుని ప్రమాద ఘటనపై విచారణ జరుపుతున్నారు.
ఇదీ చదవండి: ఏపీలో తాగునీటిపై పన్నుల మోత.. వచ్చే ఏప్రిల్‌ నుంచి పెంపు
