వల్లభనేని వంశీమోహన్ నోటిని అదుపులో పెట్టుకోవాలని ఎమ్మెల్సీ బచ్చుల అర్జునుడు సూచించారు. డాక్టర్ రమేష్పై చేసిన వ్యాఖ్యలను వంశీ వెనక్కు తీసుకోవాలని డిమాండ్ చేశారు. స్వర్ణ హోటల్ ప్రమాదంతో రమేష్ ఆసుపత్రి యాజమాన్యానికి ఎటువంటి సంబంధం లేదన్నారు. ప్రభుత్వం కోరిన మీదటే స్వర్ణ హోటల్లో కొవిడ్ కేంద్రాన్ని రమేష్ పెట్టారన్నారు. హోటల్లో కొవిడ్ ఆసుపత్రి పెట్టేముందు తనిఖీలు చేయడం ప్రభుత్వ బాధ్యతని, అలాంటిది రాష్ట్రంలో వైద్యశాఖ నిద్రపోతోందా అని ప్రశ్నించారు. ముందూ వెనుకా చూసుకోకుండా వంశీ మోహన్ తాడేపల్లి స్క్రిప్ట్ చదివేస్తున్నారని బచ్చులు ఆగ్రహం వ్యక్తం చేశారు.
ఇవీ చదవండి..
