అమెరికాలో దోపిడీ దొంగల కాల్పులు.. కృష్ణా జిల్లా యువకుడు మృతి

Telugu student death in America: అమెరికాలో దోపిడీ దొంగలు జరిపిన కాల్పుల్లో.. కృష్ణా జిల్లా కలిదిండికి చెందిన యువకుడు మరణించాడు. ఉన్నత చదువుల కోసమని అమెరికాకు వెళ్లిన తమ కుమారుడు మరణించడంతో ఆ కుటుంబంలో విషాదం నెలకొంది. సత్యకృష్ణ మృతదేహాన్ని.. స్వదేశానికి రప్పించాలని తల్లిదండ్రులు అధికారులకు విజ్ఞప్తి చేశారు.

Telugu student death in america: అమెరికాలో దోపిడీ దొంగలు జరిపిన కాల్పుల్లో మృతిచెందిన తెలుగు యువకుడు చిట్టూరు సత్యకృష్ణ మృతదేహాన్ని.. స్వదేశానికి రప్పించాలని తల్లిదండ్రులు విజ్ఞప్తి చేశారు. ఇందుకోసం సహకరించాలని అధికారులకు విజ్ఞప్తి చేశారు.

కృష్ణా జిల్లా కలిదిండికి చెందిన చిట్టూరి సత్యకృష్ణ ఉన్నత విద్య కోసం గత నెల అమెరికాకు వెళ్లారు. అక్కడి అలబామా రాష్ట్రంలో ఓ స్టోర్స్ దుకాణంలో ఉద్యోగంలో చేరాడు. ఆయన పనిచేస్తున్న దుకాణంలో దోపిడీ దొంగలు కాల్పులకు తెగబడ్డారు.

ఆ కాల్పుల్లో సత్యకృష్ణ మృతి చెందినట్లు కాలిఫోర్నియాలో స్థిరపడిన ప్రవాసాంధ్రుడు సాగర్ తెలిపారు. చదువుకునేందుకు వెళ్లిన తన కుమారుడు తిరిగిరాని లోకాలకు చేరడంతో.. తల్లిదండ్రులు కన్నీరుమున్నీరవుతున్నారు.

ఇదీ చదవండి: