కృష్ణా జిల్లాలోని గన్నవరం విమానాశ్రయానికి విదేశాల నుంచి ఈ నెలలో 3 ప్రత్యేక విమానాలు రానున్న నేపధ్యంలో... అక్కడ ఉన్న పరిస్థితిని కృష్ణా జిల్లా కలెక్టర్ ఇంతియాజ్ పరిశిలించారు. ప్రయాణికుల కోసం ఎర్పాటు చేసిన ప్రత్యేక టెర్మినల్, థర్మల్ స్క్రీనింగ్ పరీక్షల కేంద్రాన్ని ఆయన పరిశిలించారు. ఏర్పాట్లపై సంతృప్తి వ్యక్తం చేశారు.
సౌదీ అరేబియా నుంచి ప్రత్యేక విమానం ఈ నెల 20న రాత్రి 10:15 గంటలకు విమానం చేరుకోనుంది. ఈ నెల 23న రాత్రి 10 గంటలకు సౌది అరేబియా నుంచే మరో విమానం గన్నవరానికి రానుంది. వివిధ దేశాల నుంచి దిల్లీ చేరుకున్న ప్రవాసాంధ్రులను తీసుకొని ఈ నెల 27న ఉదయం 11:30కు మరో విమానం చేరుకోనుంది.
వచ్చిన ప్రయాణికులకు వెంటనే నిబంధనల ప్రకారం.. వైద్య పరీక్షలు నిర్వహించనున్నారు. అనంతరం ప్రత్యేక బస్సుల ద్వారా ప్రయాణికులు ఎంపిక చేసుకున్న పెయిడ్ క్వారెంటైన్‌కు తరలించడానికి ఏర్పాట్లు చేశామని అధికారులు తెలిపారు.
ఇదీ చదవండి:
ప్రాణాలు తీసిన టిక్టాక్..తల్లి ఆత్మహత్య..పురుగు మందు తాగిన కొడుకు
