గల్ఫ్ దేశాల్లో చిక్కుకున్న తెలుగు కార్మికులను స్వస్థలాలకు చేర్చేందుకు ఆంధ్రప్రదేశ్ నాన్ రెసిడెంట్ తెలుగు సొసైటీ(ఏపీఎన్ఆర్టీ) చర్యలు చేపట్టింది. ఒమన్ ఎంబసీ అధికారులతో సంప్రదింపులు జరుపుతూ బాధితులను తీసుకొచ్చేందుకు ఏపీఎన్ఆర్టీ ప్రతినిధులు చర్యలు తీసుకుంటున్నారు. మొదటి విడతగా 8 మంది బాధితులను రాష్ట్రానికి తీసుకొచ్చారు. ఆదివారం వీరు ప్రత్యేక విమానంలో మస్కట్ నుంచి గన్నవరం విమానాశ్రయానికి చేరుకున్నారు. వీరికి ఏపీఎన్ఆర్టీ డిప్యూటీ డైరెక్టర్ అంజన్ స్వాగతం పలికారు. మస్కట్ నుంచి రాష్ట్రానికి వచ్చేందుకు అయ్యే విమాన ఖర్చులను ఏపీఎన్ఆర్టీనే భరించింది. విజయవాడ నుంచి వారి స్వగ్రామాలకు వెళ్లేందుకయ్యే ప్రయాణ ఖర్చు, భోజన ఖర్చును సమకూర్చింది. 0863 2340678, 8500027678 నంబర్లకు ఫోన్ చేసి ఏపీఎన్ఆర్టీ అందించే సేవలు వినియోగించుకోవాలని ఆ సంస్థ అధ్యక్షులు మేడపాటి వెంకట్ ఒక ప్రకటనలో పేర్కొన్నారు.
ఇదీ చదవండి: మదార్పురం ప్రమాదం: స్వస్థలాలకు మృతదేహాలు
