అరగంట శ్రమించి ఆవుదూడను రక్షించారు!

కృష్ణాజిల్లా గుడివాడలో మురుగు కాలువలో పడిపోయిన ఆవుదూడను అగ్నిమాపక సిబ్బంది సురక్షితంగా బయటకు తీశారు.

''కృష్ణమ్మ శుద్ధిలో మేముసైతం'' కార్యక్రమంలో భాగంగా గుడివాడకు వెళుతున్న అగ్నిమాపక సిబ్బందికి... చింతలకోడు వద్ద మురుగు కాలువలో పడిపోయిన ఆవుదూడ కనిపించింది. ఎలా బయటకు రావాలో తెలియక దీనంగా చూస్తున్న ఆవుదూడను... అగ్నిమాపక సిబ్బంది బయటకు తీశారు. అర్ధగంట శ్రమించి తాళ్లతో సాయంతో ఆవుదూడను క్షేమంగా బయటకు తీశారు. పశువులు, చిన్నపిల్లలు ప్రమాదవశాత్తు కాలువలో పడుతున్నారని... పైకప్పు ఏర్పాటు చేయాలని స్థానికులు కోరుతున్నారు.

ఇదీ చదవండీ...