ఎలాంటి సమాచారం, నోటీస్ ఇవ్వకుండా ఇందుగపల్లికి చెందిన నిరుపేద మహిళ మీద అధికార పార్టీ దౌర్జన్యాన్ని కోర్టు దృష్టికి తీసుకెళ్లి.. మొలా పుల్లమ్మకు న్యాయం చేస్తామని మాజీ ఎమ్మెల్యే శ్రీరాం రాజగోపాల్ తెలిపారు. ఏ కారణంతో తన ఇంటిని కూలుస్తున్నారో తెలియని స్థితిలో ఆ మహిళ ఉందని వివరించారు. హైకోర్టు మొట్టికాయలు వేసినా... క్షేత్రస్థాయిలో అధికారుల చేతల్లో ఎటువంటి మార్పు రావడం లేదని ఆక్షేపించారు. ఈ విషయంలో అత్యుత్సాహం ప్రదర్శించిన రెవెన్యూ, పోలీస్ అధికారులకు కోర్టు ద్వారా తగిన బుద్ధి చెప్తామన్నారు. అధికారం శాశ్వతం కాదని అందరూ గుర్తు పెట్టుకోవాలని పేర్కొన్నారు. పుల్లమ్మకు న్యాయం జరిగే వరకు ఈ పోరాటం ఆగదని రాజగోపాల్ స్పష్టం చేశారు.
ఇదీ చదవండీ... భక్తుల మనోభావాలతో ఆటలాడుకోవడం దుర్మార్గం : చంద్రబాబు
