కృష్ణా జిల్లా చిల్లకల్లు పోలీస్ స్టేషన్కు చెందిన కానిస్టేబుల్ అక్రమ మద్యం తరలిస్తూ పట్టుబడ్డాడు. ఈ ఘటన జిల్లాలోని భీమవరం టోల్గేట్ వద్ద జరిగింది. ముందస్తు సమాచారంతో వత్సవాయి ఎస్ఐ సోమేశ్వర రావు సిబ్బందితో కలిసి భీమవరం టోల్గేట్ వద్ద కారును సోదా చేశారు. మద్దిరాల పెద్దశీను అనే కానిస్టేబుల్ 264 మద్యం సీసాలను ఇండికా కారులో తరలిస్తుండగా.. పోలీసులు పట్టుకున్నారు. కోదాడ పట్టణంలో కొనుగోలు చేసి నందిగామకు తరలిస్తున్నట్లు పోలీసులు గుర్తించారు. ఆయనపై కేసు నమోదు చేసి అరెస్టు చేసినట్లు డీఎస్పీ రమణమూర్తి తెలిపారు.
ఇదీ చూడండి. స్మగ్లర్ బాషాభాయ్ వారితో టచ్లో ఉన్నాడు: ఎస్పీ
