ప్రకృతిపై ప్రేమతో...చెట్లపై మమకారంతో... ప్రభుత్వ సహకారంతో ఉద్యానవనాలు పురుడు పోసుకుంటున్నాయి. వాటిని పెంచి పోషిస్తూ...వాటి మాధుర్యాన్ని అనుభవిస్తూ..భవిష్యత్ తరాలకు ఆదర్శంగా నిలుస్తున్నారు...విజయవాడలోని టీచర్స్ కాలనీవాసులు.
ఇక్కడ సాయంత్రం సరదాగా కుటుంబంతో కాలక్షేపం చేయొచ్చు. ఆహ్లాదకర వాతవరణాన్ని ఆస్వాదించొచ్చు. విసుగొస్తే స్నేహితులతో పిచ్చాపాటి తిరుగుతూ కబుర్లు చెప్పుకోవచ్చు. పిల్లలు..పెద్దలు అనే తేడా లేకుండాఈ ' టీచర్స్ కాలనీ పార్కు'లో సేద తీరొచ్చు.
ఆరోగ్యం...ఆహ్లదం..కలిపేతే ఈ కాలనీపార్కు పదేళ్ల క్రితం నగరపాలక సంస్థ నిధులతో ఏర్పాటైన ఈ ఉద్యానవనం..కాలనీవాసుల చొరవతో మరింత పచ్చదనం అద్దుకుంది. వ్యాహ్యళీ కోసం నడక మార్గాలు.. 300 రకాల మొక్కలు..తివాచీ లాంటీ పచ్చిక బయళ్లు, కూర్చొని ముచ్చటించటానికి బల్లలు ఇక్కడ కనిపిస్తాయి. వేడుక చేసుకోడానికి వీలుగా ఓ కమ్యూనిటీ హాలూ ఉంది. అన్ని సౌకర్యాలతో ఉన్న ఈ పార్కు ప్రకృతి ప్రియుల్ని రారమ్మని పిలుస్తోంది. ఆదర్శంగా నిలుస్తోంది. పారిశుద్ధ్య నిర్వహణ, మొక్కలకు నీళ్లు పెట్టటం, గుబురుగా పెరిగిన గడ్డి తొలగించటం కోసం నగరపాలకు సంస్థ కార్మికులనూ నియమించింది. వారి శ్రమ, కాలనీ వాసుల శ్రద్ధ ఈ పార్కు కళకళలో కనిపిస్తోంది. మనసుకు ఉల్లసాన్నిస్తోంది.
ఇవీ చదవండి....అరకు లోయలో వేసవి క్రీడా శిక్షణ శిబిరం
