రాష్ట్రంలో సీబీఐ సోదాలు... ఎక్కడెక్కడ..?

దేశవ్యాప్తంగా 187చోట్ల సీబీఐ సోదాలు నిర్వహించింది. రూ.7,200కోట్ల విలువ చేసే బ్యాంకు మోసాల కేసుల నేపథ్యంలోనే ఈ సోదాలు జరిపినట్లు సమాచారం. రెండు తెలుగు రాష్ట్రాలు సహా దిల్లీ, గుజరాత్‌, హరియాణా, కర్ణాటక, కేరళ, మధ్యప్రదేశ్‌, మహారాష్ట్ర, పంజాబ్‌, తమిళనాడు, ఉత్తర్‌ప్రదేశ్‌, ఉత్తరాఖండ్‌, దాద్రానగర్ హవేలీలోని పలు ప్రాంతాల్లో అధికారులు సోదాలు చేపట్టారు.

దేశవ్యాప్తంగా 187చోట్ల సీబీఐ సోదాలు నిర్వహించింది. దింట్లో భాగంగానే కృష్ణా జిల్లాలోనూ తనిఖీలు చేపట్టింది. ఆక్వా రంగంలో బ్యాంకుల నుంచి రుణాలు తీసుకొని... ఎగవేతకు పాల్పడుతున్నారని సీబీఐ గుర్తించినట్లు తెసిలింది. గుడివాడలో ఈ తరహాలో ఋణం తీసుకున్నట్టు సీబీఐ తనిఖీలో బయటపడినట్లు సమాచారం. కేసులు కూడా నమోదు చేసినట్టు తెలుస్తుంది. దేశవ్యాప్తంగా ఆంధ్రాబ్యాంకు, ఓరియంటల్ బ్యాంకు అఫ్ కామర్స్, ఎస్​బీఐ, కెనరా, దేనా, పంజాబ్ బ్యాంకులతో పాటు మరికొన్నింట్లో తనిఖీలు చేశారు. కానీ ఎక్కడెక్కడ తనిఖీలు చేశారనేది పూర్తిగా బయటకు రాలేదు. మీడియా కంట పడకుండా ఈ తనిఖీలు కొనసాగాయి.

ఇదీ చదవండీ... చిత్తూరు జిల్లాకు చంద్రబాబు... పర్యటన సాగనుందిలా...