కరోనా కారణంగా తరగతులు జరగని 2019 బ్యాచ్ వైద్య విద్యార్థులను రెండో ఏడాదికి ప్రమోట్ చేయాలని ఆంధ్రప్రదేశ్ వైద్య విద్యార్థుల పేరెంట్స్ అసోసియేషన్ రాష్ట్ర కన్వీనర్ శ్రీనివాస విశ్వనాథ్ డిమాండ్ చేశారు. వారికి బ్యాక్లాగ్లు రాసుకునే అవకాశం కల్పించాలని కోరారు.
ఇప్పటికే రెండో సంవత్సరం తరగతులు ప్రారంభమైనందున.. ప్రభుత్వం, ఎన్టీఆర్ యూనివర్సిటీ అధికారులు చొరవ తీసుకొని 2019 బ్యాచ్ మెడిసిన్ విద్యార్థులకు న్యాయం చేయాలని విజ్ఞప్తి చేశారు. ఈ మేరకు ఎన్టీఆర్ యూనివర్సిటీ రిజిస్ట్రార్ కె.శంకర్, ఉపకులపతి డా. శ్యాంప్రసాద్ను కలిసి సమస్యను వివరించారు. ఈ అంశంపై సత్వర చర్యలు తీసుకోకుంటే హైకోర్టును ఆశ్రయిస్తామని విశ్వనాథ్ హెచ్చరించారు.
