విజయవాడలో ఘనంగా బహుభాషా కవి సమ్మేళనం

విజయవాడలో బహుభాషా సమ్మేళనం ఘనంగా జరిగింది. కవితాఝరితో సృజనకు పట్టం కట్టాలనే సంకల్పంతో గత ఐదేళ్లుగా ది కల్చరల్‌ సెంటర్‌ ఆఫ్‌ విజయవాడ, అమరావతి ఆధ్వర్యంలో అంతర్జాతీయ బహుభాషా కవి సమ్మేళనాన్ని నిర్వహిస్తున్నారు. ఈ కార్యక్రమంలో విభిన్న ప్రాంతాలు, దేశాలకు చెందిన కవులు తమ ప్రాంతీయ భాషల్లోని కవితలను చదివి వినిపించారు.

విజయవాడ నోవాటెల్‌ హోటల్​లో రెండు రోజుల పాటు నిర్వహించిన ‘అమరావతి పొయెటిక్‌ ప్రిజమ్‌’ కార్యక్రమం ముగిసింది. ప్రపంచవ్యాప్తంగా 86 దేశాలకు చెందిన 761 మంది కవులు ఈ కార్యక్రమంలో పాల్గొన్నారు. 125 భాషల్లో 1,303 కవితలను చదివి వినిపించారు. సృజనకు పట్టం కట్టాలనే ఉద్దేశంతో ఏటా దీనిని నిర్వహిస్తున్నట్లు నిర్వహకులు తెలిపారు. ఈ కవి సమ్మేళనానికి పెద్ద ఎత్తున కవులు హాజరయ్యేలా కల్చరల్​ సెంటర్​ గౌరవ సలహాదారు పద్మజా అయ్యంగార్​, సెంటర్​ సీఈవో డాక్టర్​ ఈమని శివనాగిరెడ్డి ముఖ్యపాత్ర పోషించారని కల్చరల్‌ సొసైటీ ఛైర్మన్‌ హరిశ్చంద్రప్రసాద్‌ తెలిపారు.

ఇదీ చూడండి: