కృష్ణాజిల్లాలోని గన్నవరంలో తాపీ పని చేస్తున్న ఓ యువకుడు విద్యుదాఘాతానికి గురయ్యాడు. గన్నవరం విద్యుత్తు సబ్ స్టేషన్ సమీపంలో ఈ ఘటన జరిగింది. ప్రమాదం జరిగిన వెంటనే అతన్ని స్థానిక ఏరియా ఆస్పత్రికి తరలించారు. ప్రస్తుతం బాధితుడి పరిస్థితి విషమంగా ఉంది.
పని చేసే ప్రదేశంలో విద్యుత్ వైర్లు కిందకి ఉండటంతో ఈ ప్రమాదం జరిగిందని స్థానికులు తెలిపారు. ఆ విద్యుత్తు తీగలు సరిచేయమని అధికారులు, ప్రజాప్రతినిధులకు విజ్ఞప్తి చేసినా పట్టించుకోలేదని అవేదన వ్యక్తం చేశారు. వర్షాలు వస్తే వారికి కూడా విద్యుత్ షాక్ కొడుతుందని పేర్కొన్నారు. ఇప్పటికైనా అధికారులు స్పందించి వాటిని సరి చేయాలని కోరారు.
ఇదీ చదవండి: పోరాటం @ 400వ రోజు.. అమరావతి కోసం పోరు ఆగదన్న రైతులు
