ద్విచక్రవాహనం ఢీకొని కిందపడిన మహిళ... లారీ రూపంలో కబళించిన మృత్యువు

సరదాగా మాట్లాడుకుంటూ ద్విచక్రవాహనంపై వెళ్తున్న భార్యాభర్తలను చూసి విధి సహించలేకపోయిందేమో..? మరో ద్విచక్రవాహనం రూపంలో ప్రమాదం ముంచుకొచ్చింది. కిందపడిన భార్య తేరుకునేలోపే.. వెనకే వస్తున్న లారీ రూపంలో మృత్యువు ఆమెను బలి తీసుకుంది. అప్పటివరకు నవ్వుతూ సంతోషంగా ఉన్న భర్త మొహం.. ఒక్కసారిగా కన్నీటి సంద్రంగా మారింది. గుంటూరు జిల్లా వట్టిచెరుకూరు మండలంలో ఈ ఘటన జరిగింది.

రెండు ద్విచక్రవాహనాలు ఢీకొని కిందపడిన మహిళపై నుంచి.. వెనకే వస్తున్న లారీ వెళ్లడంతో ఆమె అక్కడికక్కడే మృతి చెందింది. భర్త కళ్లెదుటే భార్య మరణించిన ఈ హృదయ విదారక ఘటన.. గుంటూరు జిల్లా వట్టి చెరుకూరు మండలంలో జరిగింది. అప్పటివరకు తనతో సరదాగా మాట్లాడిన భార్య విగతజీవిగా పడి ఉండటం చూసి ఆమె భర్త కన్నీరుమున్నీరుగా విలపించారు.

ఇదీ చదవండి: యూపీలో బాలికపై సాముహిక అత్యాచారం

ప్రత్తిపాడు మండలం తిక్కిరెడ్డిపాలెం గ్రామానికి చెందిన భార్యాభర్తలు ద్విచక్రవాహనంపై గుంటూరు వెళ్తున్నారు. ఊహించని రీతిలో మరో ద్విచక్రవాహనం ఢీకొనడంతో పిల్లి జ్యోతి (35) కింద పడిపోయింది. వెనుక వచ్చిన లారీ ఆమె తలపై నుంచి దూసుకువెళ్లడంతో అక్కడికక్కడే ప్రాణాలు విడిచింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

ఇదీ చదవండి: