అవినీతికి పాల్పడుతున్న వార్డు వాలంటీర్​ను​ తొలగించిన కమిషనర్

వార్డు సచివాలయంలో అవినీతికి పాల్పడుతున్న వార్డు వాలంటీర్​ను విధుల నుంచి అధికారులు తొలగించారు. ఒక్కొక్క పథకానికి ఒక్కొక్క ధర నిర్ణయించి దరఖాస్తుదారుల నుంచి డబ్బులు వసూలు చేస్తున్నట్లు ఫిర్యాదులు అందాయని.. అందుకే విధుల నుంచి తొలగించినట్లు అధికారులు పేర్కొన్నారు.

గుంటూరు నగరపాలక సంస్థ పరిధి శాంతినగర్​లోని 85వ వార్డు సచివాలయంలో అవినీతికి పాల్పడుతున్న కేవీ రూప అనే వార్డు వాలంటీర్​ను విధుల నుంచి తొలగిస్తూ.. నగర పాలక కమిషనర్ అనురాధ ఉత్తర్వులు జారీ చేశారు. సదరు వాలంటీర్ ప్రభుత్వం అమలు చేస్తున్న ఒక్కొక్క పథకానికి ఒక్కొక్క ధర నిర్ణయించి దరఖాస్తుదారుల నుంచి డబ్బు వసూలు చేస్తున్నట్లు ఫిర్యాదులు అందాయని తెలిపారు. బాధితుల ఫిర్యాదు మేరకు విచారణ చేయించగా..ఆరోపణలు నిర్ధరణ కావటంతో ఆమెను విధుల నుంచి తొలగించినట్లు కమిషనర్ వివరించారు.

ఇదీ చదవండి: నిధుల వేటలో ప్రభుత్వం... గ్యాస్​పై 10 శాతం వ్యాట్ పెంపు