గుంటూరు జిల్లా నార్కట్పల్లి-అద్దంకి ప్రధాన రహదారిపై జరిగిన ప్రమాదంలో ఓ వ్యక్తి మృతి చెందాడు. రొంపిచర్ల మండలం మర్రిచెట్టుపాలెంకు చెందిన బత్తుల చిన్నయ్య అనే రైతు ద్విచక్ర వాహనంపై పొలానికి వెళుతుండగా వెనకనుంచి కారు ఢీకొట్టింది. రహదారిపై పడిపోవటంతో రైతుకు తీవ్రగాయాలయ్యాయి. స్థానికులు నరసరావుపేట ప్రభుత్వ ఆసుపత్రికి తరలించగా చికిత్స పొందుతూ ఆయన మృతి చెందాడు.
సమాచారం అందుకున్న పోలీసులు ద్విచక్ర వాహనాన్ని ఢీకొట్టి ఆపకుండా వెళ్లిన కారును వెంబడించి పట్టుకున్నారు. డ్రైవర్ను అదుపులోకి తీసుకుని కేసు నమోదు చేశారు. విషయం తెలుసుకున్న స్థానిక ఎమ్మెల్యే గోపిరెడ్డి ఆసుపత్రికి చేరుకుని రైతు కుటుంబాన్ని పరామర్శించారు.
