ప్రభుత్వ వస్తువులు తీసుకెళ్లి ఆ గొడవేంటి?

మాజీ స్పీకర్ కోడెల అనుసరించిన తీరును తప్పుబట్టారు సభాపతి తమ్మినేని సీతారాం. వారం రోజులుగా వస్తోన్న వార్తలు చూస్తుంటే ఆవేదన కలుగుతోందన్నారు. అసెంబ్లీ ఫర్నీచర్ తరలింపు వ్యవహారంపై విచారణ జరుగుతోందని ఆయన స్పష్టం చేశారు. నివేదిక వచ్చాక తానే అన్ని వివరాలు వెల్లడిస్తానని అన్నారు.

శాసనసభ ఫర్నీచర్ తరలింపు వ్యవహారంపై వారం రోజులుగా వస్తోన్న వార్తలు చూస్తుంటే ఆవేదన కలుగుతోందని శాసన సభాపతి తమ్మినేని సీతారాం అన్నారు. మహిళా కమిషన్ ఛైర్‌పర్సన్ ప్రమాణ స్వీకార కార్యక్రమంలో పాల్గొన్న ఆయన ..... మాజీ స్పీకర్ కోడెల అనుసరించిన తీరును తప్పుబట్టారు. రోజాను అసెంబ్లీకి అనుమతించాలన్న హైకోర్టు తీర్పును అమలు చేయకుండా అప్రజాస్వామికంగా వ్యవహరించారని గుర్తు చేశారు. అసెంబ్లీ ఫర్నీచర్ తరలింపు వ్యవహారంపై విచారణ జరుగుతోందని, నివేదిక వచ్చాక తాను స్వయంగా అన్ని వివరాలు వెల్లడిస్తానని చెప్పారు.