గుంటూరు జిల్లా పల్నాడులో నామినేషన్ వేసేందుకు తెదేపా అభ్యర్థి నాగేంద్రం అనే మహిళ ఎంపీడీవో కార్యాలయానికి వెళ్లారు. నామినేషన్ పత్రాలు ఎంపీడీవోకు అందజేశారు. ఎంపీడీవో పత్రాలు పరిశీలిస్తున్న సమయంలో అభ్యర్థి గ్రామానికి చెందిన కొందరు ఎంపీడీవో కార్యాలయం లోపలికి ప్రవేశించారు. ఎంపీడీవో నుంచి నామినేషన్ పత్రాలను లాక్కుని వెళ్లారు. రిటర్నింగ్ అధికారి కార్యాలయంలోనికి నామినేషన్లు దాఖలు చేసే సమయంలో వారిని తప్ప ఇతరులను అనుమతించరు. కానీ వేరేవ్యక్తులు లోపలకు వస్తున్నా పోలీసులు పట్టించుకోకపోవటంపై సర్వత్రా విమర్శలు వస్తున్నాయి. తమని ఎన్నికల్లో పోటీ చేయకుండా అడ్డుకునేందుకు వైకాపా నేతలు దౌర్జన్యానికి పాల్పడ్డారని తెదేపా అభ్యర్థి నాగేంద్రం ఆరోపించారు. రెండు రోజుల నుంచి తమని బెదిరిస్తున్నారని... ఎలాగోలా ఎంపీడీవో కార్యాలయానికి వచ్చి నామినేషన్ వేసే సమయంలో లాక్కెళ్లారని వాపోయారు.
ఇదీ చదవండి:
