అమరావతి ఉద్యమానికి ముస్లింల మద్దతు.. ప్రత్యేక ప్రార్థనలు

పరిపాలన రాజధానిగా అమరావతినే కొనసాగించాలంటూ ఆందోళన చేస్తున్న మందడం రైతులకు ముస్లింలు మద్దతు తెలిపారు. రైతుల తరఫున అల్లాకు ప్రత్యేక ప్రార్థనలు నిర్వహించారు. రాజధాని తరలింపు వల్ల ప్రజలందరూ ఇబ్బందులు పడుతున్నారని ముస్లిం పెద్దలు అన్నారు.

పరిపాలన రాజధానిగా అమరావతినే కొనసాగించాలంటూ ఆందోళన చేస్తున్న మందడం రైతులకు ముస్లింలు మద్దతు ప్రకటించారు. శుక్రవారం మసీదులో ప్రార్థనలు ముగిసిన అనంతరం.. దీక్షా శిబిరానికి వచ్చి ప్రత్యేక ప్రార్థనలు నిర్వహించారు. ఏకైక రాజధానిగా అమరావతిని కొనసాగించాలని.. న్యాయస్థానాలలో పోరాడుతున్న రైతులకు అనుకూలంగా తీర్పులు రావాలని అల్లాను కోరారు. రాజధాని తరలింపు వల్ల ప్రజలందరూ ఇబ్బందులు పడుతున్నారని ముస్లిం పెద్దలు అన్నారు.

మరోవైపు తాడికొండ ఎమ్మెల్యే శ్రీదేవి అమరావతి ఉద్యమంపై చేసిన వ్యాఖ్యలపై మహిళలు ఆగ్రహం వ్యక్తం చేశారు. తమ పోరాటంపై వైకాపా నేతలు ఇష్టం వచ్చినట్లు మాట్లాడుతున్నారని ఆవేదన వ్యక్తం చేశారు.

ఇవీ చదవండి...